સુખી થવા. આખી જિંદગી દુખી થાય એનુ નામ “માણસ”…

આજ રે સપનામાં મેં તો ડોલતો ડુંગર દીઠો જો ખળખળતી નદિયું રે, સાહેલી, મારા સપનામાં રે આજ રે સપનામાં મે તો ઘમ્મર વલોણું દીઠું જો દહીં - દૂધના વાટકા રે, સાહેલી, મારા સપનામાં રે આજ રે સપનામાં મેં તો લવિંગ લાકડી દીઠી જો ઢીંગલાં ને પોતિયાં રે, સાહેલી, મારા સપનામાં રે આજ રે સપનામાં મેં તો જટાળો જોગી દીઠો જો સોનાની થાળી રે, સાહેલી, મારા સપનામાં રે આજ રે સપનામાં મે તો પારસપીપળો દીઠો જો તુળસીનો ક્યારો રે, સાહેલી, મારા સપનામાં રે આજ રે સપનામાં મે તો ગુલાબી ગોટો દીઠો જો ફૂલડિયાંની ફોરમ રે, સાહેલી, મારા સપનામા...

મારી સગી નણદલના વીરા, રૂમાલ મારો લેતા જાજો રૂમાલ મારો લેતા જાજો, કે દલડું તમારું દેતા જાજો મારી સગી નણદલના વીરા, રૂમાલ મારો લેતા જાજો લીલી ઘોડીના અસવાર રે, રૂમાલ મારો લેતા જાજો એ રુમાલ લેતા જાજો, કે દલડું દેતા જાજો મારી સગી નણદલના વીરા, રૂમાલ મારો લેતા જાજો ઓલ્યા વાણિયાના હાટનો, લીલા તે રંગનો રૂમાલ મારી સગી નણદલના વીરા, રૂમાલ મારો લેતા જાજો ઉતારા આલીશ ઓરડા,રૂમાલ મારો લેતા જાજો મેડી મોલાત્યું માણશું કે રૂમાલ મારો લેતા જાજો મારી સગી નણદલના વીરા, રૂમાલ મારો લેતા જાજો ભોજન આલીશ લાડવા, રૂમાલ મારો લેત...

સાહ્યબા સડક્યું બંધાવ, એ વાગડ જાવું વાગડ જાવું મારે ભુજ શે'ર જાવું વાગડ જાતાં મુને તડકા રે લાગે સાહ્યબા ઝાડ રોપાવ, એ વાગડ જાવું વાગડ જાવું સાહ્યબા વાગડ જાવું વાગડ જાતાં મુને તરસ્યું રે લાગે સાહ્યબા વાવ્યું બંધાવ, એ વાગડ જાવું વાગડ જાવું સાહ્યબા વાગડ જાવું વાગડ જાતાં મુને ભૂખલડી લાગે સાહ્યબા કંદોઈ બેસાડ, એ વાગડ જાવું વાગડ જાવું સાહ્યબા વાગડ જાવું વાગડ જાવું મારે ભુજ શે'ર જાવું સાહ્યબા સડક્યું બંધાવ, એ વાગડ જાવું

હાજી કાસમ, તારી વીજળી રે મધદરિયે વેરણ થઈ શેઠ કાસમ, તારી વીજળી રે સમદરિયે વેરણ થઈ ભુજ અંજારની જાનું રે જૂતી, જાય છે મુંબઈ શે’ર દેશ પરદેશી માનવી આવ્યાં, જાય છે મુંબઈ શે’ર દશ બજે તો ટિકટું લીધી, જાય છે મુંબઈ શે’ર તેર તેર જાનું સામટી જૂતી, બેઠા કેસરિયા વર ચૌદ વીશુંમાંય શેઠિયા બેઠા, છોકરાંઓનો નહીં પાર અગિયાર બજે આગબોટ હાંકી, જાય છે મુંબઈ શે’ર બાર બજે તો બરોબર ચડિયાં, જાય છે મુંબઈ શે’ર ઓતર દખણના વાયરા વાયા, વાયરે ડોલ્યાં વા’ણ મોટા સાહેબની આગબોટું મળિયું, વીજને પાછી વાળ્ય જહાજ તું તારું પાછું વાળ્ય રે ...

ઘંમ રે ઘંટી ઘંમ ઘંમ થાય ઝીણું દળું તો ઊડી ઊડી જાય જાડું દળું તો કોઈ નવ ખાય મારા તે ઘરમાં સસરોજી એવા હાલતાં જાય ચાલતાં જાય લાપસીનો કોળિયો ભરતાં જાય મારા તે ઘરમાં નણંદબા એવા નાચતાં જાય કૂદતાં જાય રાંધી રસોઈ ચાખતાં જાય મારા તે ઘરમાં દિયરજી એવા રમતાં જાય કૂદતાં જાય મારું ઉપરાણું લેતાં જાય મારા તે ઘરમાં સાસુજી એવાં વાળતાં જાય બેસતાં જાય ઊઠતાં બેસતાં ભાંડતાં જાય મારા તે ઘરમાં પરણ્યાજી એવા હરતાં જાય ફરતાં જાય માથામાં ટપલી મારતાં જાય ઘંમ રે ઘંટી ઘંમ ઘંમ થાય ઝીણું દળું તો ઊડી ઊડી જાય જાડું દળું તો કોઈ નવ...

માડી હું તો બાર બાર વરસે આવિયો માડી મેં'તો નવ દીઠી પાતલડી પરમાર રે જાડેજી મા, મોલ્યુંમાં દીવડો શગ બળે રે લોલ દીકરા, હેઠો બેસીને હથિયાર છોડ રે કલૈયા કુંવર, પાણી ભરીને હમણાં આવશે માડી હું તો કૂવા ને વાવ્યું જોઈ વળ્યો માડી મેં'તો નવ દીઠી પાતલડી પરમાર રે જાડેજી મા, મોલ્યુંમાં દીવડો શગ બળે રે લોલ દીકરા, હેઠો બેસીને હથિયાર છોડ રે કલૈયા કુંવર, દળણું દળીને હમણાં આવશે માડી હું તો ઘંટી ને રથડાં જોઈ વળ્યો માડી મેં'તો નવ દીઠી પાતલડી પરમાર રે જાડેજી મા, મોલ્યુંમાં દીવડો શગ બળે રે લોલ દીકરા, હેઠો બેસીને હથિયા...

ઓલ્યા પાંદડાને ઉડાળી મેલો હો પાંદડું પરદેશી મારો સસરો આણે આવ્યો હો પાંદડું પરદેશી ઈ પીતળિયું ગાડું લાવ્યો હો પાંદડું પરદેશી ઈ ગાડાની મુને ચૂકું લાગે હો પાંદડું પરદેશી હું તો સસરા ભેરી નહીં જાઉં પાંદડું પરદેશી ઓલ્યા પાંદડાને ઉડાળી મેલો હો પાંદડું પરદેશી મારો જેઠ આણે આવ્યો હો પાંદડું પરદેશી ઈ તો ખોખલું ગાડું લાવ્યો હો પાંદડું પરદેશી ઈ ગાડે બેસી હું નહિ જાઉં હો પાંદડું પરદેશી હું તો જેઠ ભેરી નહીં જાઉં હો પાંદડું પરદેશી ઓલ્યા પાંદડાને ઉડાળી મેલો હો પાંદડું પરદેશી મારો પરણ્યો આણે આવ્યો હો પાંદડું પરદ...

ભીની મેંદીનો રંગ લાગ્યો રૂડો હો રાધકા રંગભીની તારા માથાનો અંબોડો હો રાધકા રંગભીની જાણે છૂટ્યો તેજીનો ઘોડો હો રાધકા રંગભીની ભીની મેંદીનો રંગ લાગ્યો રૂડો હો રાધકા રંગભીની તારી આંખ્યુંનાં ઉલાળા હો રાધકા રંગભીની જાણે દરિયાનાં હીલોળા હો રાધકા રંગભીની ભીની મેંદીનો રંગ લાગ્યો રૂડો હો રાધકા રંગભીની તારા નાકડિયાની દાંડી હો રાધકા રંગભીની જાણે દીવડીએ શગ માંડી હો રાધકા રંગભીની ભીની મેંદીનો રંગ લાગ્યો રૂડો હો રાધકા રંગભીની તારા હાથની હથેળી હો રાધકા રંગભીની જાણે બાવલપરની થાળી હો રાધકા રંગભીની ભીની મેંદીનો રંગ...